आठवण येते कधी मला
अन गालावर खुदकन खळी पडते !
तर कधी हस्त हस्त
डोळी माझ्या पाणी आणते!!
गर्दीत रडून सुद्धा ती
एकांतात आभास देते !
अन एकांतात गेलो तरी मला
नाही कधी एकटे सोडते !!
डोळे बंद केल्यावरचे
नवे विश्व दाखवून देते!
अन उघड्या डोळ्यानाही
ती कधी धुंद करून टाकते!!
दूर लोटायचा प्रयत्न केला
तर अधिकच जवळ येऊन बसते!
जवळ तिला बळावले तर मात्र
कोपऱ्यात कुठे दडून बसते !!
हीच आहे ती माझी मैत्रीण
नेहमी साथ देणारी !
आगंतुक असली तरी
हवी- हवीशी वाटणारी !!
महेंद्र धाडवे
Comments
Post a Comment